Двете македонски репрезентации, во машка и во женска конкуренција, стартуваа со максимални победи во 1. коло на 43. шаховска Олимпијада која се одржува во Батуми, Грузија.
Шахистите на стартот од натпреварување на кое се 43-то рангирани, според рејтингот, меѓу 185 селекции, со максимални 4-0 ја победија репрезентацијата на Брунеи. Победи на сите четири табли извојуваа Владимир Георгиев, Филип Панчевски, Трајко Недев и Никола Николовски.
Кај мажите лесни победи на стартот извојуваа и првите фаворити за трофеите, САД, Русија, Кина, Индија, Украина, Франција, Ерменија и Англија.
Девојките, пак, исто така со максимални 4-0 ја победија селекцијата на Свазиленд. Победи за Македонија извојуваа Бејатовиќ, Коскоска, Николовска и Петровска.
Во женска конкуренција главни фаворити во битката за медалите се Русија, Украина, Кина и Грузија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
