Каталонскиот гигант Барселона тргнува во нов обид за ангажман на бразилскиот интернационалец Вилијан од редовите на Челси. Раководството на клубот од „Камп Ноу“ испрати две понуди изминатото лето, но и двете беа глатко одбиени од англискиот премиерлигаш. Втората изнесуваше 55 милиони фунти, но и тоа не беше доволно за Вилијан да добие дозвола да замине од „Стемфорд бриџ“.
Сега Барселона има нов план. Во понудата ќе биде вклучен и Малком, Бразилецот кој дојде во летниот преоден рок, но не се снајде најдобро, не ја добива потребната минутажа и сака да замине во друга средина. Каталонците сметаат дека тој би бил одлична мамка за Челси, за да му даде дозвола на Вилијан за трансфер. Секако, понудата ќе биде и дополнително збогатени со финансиски параметри од околу 20 милиони фунти.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
