Ракометната репрезентација на Македонија отпатува за Ван, Турција каде утре ќе го одигра вториот натпревар од квалификациите за пласман на Европското првенство 2024 година во Германија.
За турскиот град отпатува и Дејан Манасков кој поради повреда мораше да го пропушти мечот од првото коло на домашен терен против аутсајдерот Луксембург. Во тимот е и Мартин Томовски кој беше изоставен на натпреварот во Скопје, каде неговото место го зазема Марко Кизиќ кој овојпат остана во Македонија.
Од комбинација отпаднаа и пивотот Марко Стојковиќ, левото крило Петар Атанасијевиќ и средниот бек Марко Митев. За Турција со Томовски и Манасков опатуваа и Михајло Младеновиќ и Костадин Петров, кои не настапија на дуелот со Луксембург.
Натпреварот против Турција е закажан за утре со почеток во 16 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА