Македонскиот репрезентативец Дејан Манасков потпиша нов договор со унгарски Веспрем сега со важност до 2020 година.
Изминатово лето Манасков потпиша едногодишен договор со Веспрем, до крајот на јуни 2018 година. Но, по одличните игри изминатава есен Унгарците без многу размислување се одлучија да му понудат нов договор за нови дополнителни две години, па сега македонскиот ракометар ќе остане во Веспрем до 2020 година.
Манасков досега одигра 21 натпревар за Веспрем есенва, постигнувајќи притоа и 64 гола. По потпишувањето на новиот договор сега комплетно се фокусира на репрезентативните обврски, насочувајќи се кон настапот на ЕП во Хрватска. Од понеделник треба да се приклучи на подготовките на националниот тим во Скопје.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
