Манчестер Јунајтед и Њукасл се првите два полуфиналисти во лига-купот на Англија, по победите што ги забележаа на денешните дуели против Чарлтон, односно Лестер.
„Црвените ѓаволи“ славеа со 3-0 над нисколигашот, како загревање за градското дерби со Манчестер што ги очекува во наредното премиерлигашко коло. Бразилецот Антони со еврогол од дваесетина метри го отвори резултатот во првото полувреме, а во финишот со два гола печат на победата стави Маркус Рашфорд, кој влезе во игра во вториот дел.
Њукасл во второто полувреме го скрши отпорот на Лестер, триумфирајќи со 2-0 со погодоците што ги постигнаа Брн и Жоелинтон.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
