Манчестер јунајтед објави загуба од 50 милиони фунти во САД откако претседателот Доналд Трамп го намали корпоративниот данок од 35 на 21% за да ја поттикне американската економија.
Тоа автоматски ја намали вредноста на бизнисите врзани со Јунајтед во сопственост на Глејзер, што во клупскиот финансиски извештај се покажа како загуба. Тоа е и најголемата загуба на Јунајтед од 2010 година. Но, причини за паника нема.
„Збор е за промена на даночната стапка која не влијаеше директно на финансиите со кои располага клубот. Долгорочно намалениот данок е добра вест за нас, но во овој период ќе се покаже како загуба. Ништо тоа нема да промени нешто околу актуелните активности во клубот“ – изјави директорот за финансии во Манчестер јунајтед, Клиф Бати.
И покрај оваа загуба, Манчестер јунајтед 2017 година ја заврши со 580 милиони фунти добивка, што е клупски рекорд а трансферот на Алексис Санчез донесе и рекордна продажба на дресови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
