Раководството на Манчестер Јунајтед почна разговори со кандидатите за нов тренер, кој ќе треба да ја води екипата до крајот на сезоната. Меѓу фаворитите се и тројца поранешни играчи на тимот од „Олд Трафорд“.
Станува збор за Мајкл Керик, Оле Гунар Солскјер, додека третата варијанта е Дарен Влечер, кој во моментов е дел од стручниот штаб на екипата.
Во меѓувреме, челниците на Манчестер наводно одлучиле дека ќе назначат тренер до крајот на сезоната, а потоа ќе донесе долгорочно решение. Се ќе зависи од резултатите до крајот на сезоната, односно доколку успее некој од нив да обезбеди учество во ЛШ, тогаш би можел да остане и во следната сезона.
Исто така се појави информација дека еден од кандидатите е и Јулијан Нагелсман, актуелниот селектор на Германија. Но, таа опција е можна само после завршувањето на Мундијалот оваа година, во зависност од тоа како Германија ќе ги заврши настапите на Светското првенство.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
