Манчестер Јунајтед победи и во вториот меч од претсезонската турнеја, откако во Перт беше подобар од Лидс Јунајтед со 4-0. На мечот Солскјер им даде шанса на сите фудбалерие кои беа во ростерот, а од стандардните првотимци го немаше само Ромелу Лукаку кој е пред трансфер во Интер.
Младиот Мејсон Гринвуд донесе водство за 1-0, по асистенцијата на новото засилување Арон ван Бисака. До крајот на полувремето стрелаше и Маркус Рашфорд. Во второто полувреме во листата на стрелците се најдоа и Фил Џонс кој постигна гол во 51. минута, додека конечните 4-0 ги постави Антони Марсијал со гол од пенал во 61. минута. Следниот меч од претсезонската турнеја избраниците на Оле Гунар Солскјер ќе го играат на 20. јули против Интер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
