Манчестер Сити под водство на Пеп Гвардиола бележи одлични резултати изминатите години, но и покрај бројните трофеи и одличните игри се уште не може да ги привлече симпатиите на фудбалските вљубеници. Имено, по анкетата спроведена меѓу навивачите во Премиер-лигата, актуелниот шампион е избран за втор најомразен клуб. Пред нив е само Барнли кој е за само еден отсто поомразен клуб.
Анкетата е спроведена низ цела Велика Британија, со посебен акцент на фановите на премиерлигашките клубови. Навивачите одговарале кој клуб, покрај нивниот за кој секако се субјективни и е надвор од конкуренција, најмногу го сакаат, а кој најмногу го мразат.
Како најсакан клуб е избран Ливерпул, а потоа следуваат Арсенал и Лестер. Манчестер Јунајтед се наоѓа на 9. позиција на рангирањето на најсакани клубови во англиската Премиер-лига, а Челси е четиринаесетти.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
