Италијанскиот стратег Роберто Манчини не е задоволен со животот во Русија и бара начин да се врати дома. Како што информира „Газета дело спорт“, тој влегол во преговори за да седне на клупата на Милан. Очигледно е дека и Џенаро Гатузо не може да го извлече тимот од криза, и раководството на клубот веќе бара други решенија. Се споменува дури и враќање на Монтела, но тоа секако би било лоша опција.
Манчини и Мирабели соработуваа и во Интер во минатото, релациите им се одлични, и можно е тој да пристигне на „Сан сиро“ по завршувањето на оваа сезона. Италијанецот има договор со Зенит до 2020 година, и заработува одлични 8 милиони евра по сезона, но многу често истакнува дека му недостига италијанскиот фудбал.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
