Енди Мареј покажа знаци на излез од големата криза откако на стартот од Ролан Гарос со квалитетна игра го совлада Андреј Кузнецов со 3-1 во сетови. Британецот се уште е далеку од нивото со кое доминираше кон крајот на 2016 година, но по неколкуте елиминации на стартот од мастерс-турнирите во изминатите два месеци, играта против Кузнецов секако е чекор напред за прворангираниот светски тенисер.
Тој го доби првиот сет со 6-4, во вториот со идентичен резултат возврати рускиот тенисер, за потоа Мареј да доминира во преостанатите два сета, добивајќи ги со 6-2, 6-0. Следен противник на Британецот на Ролан Гарос ќе биде словачкиот тенисер Мартин Клизан.
Кеи Нишикори се врати од негативата од еден сет и славеше со 3-1 против Кокинакис од Австралија, а со максимални 3-0 пласманот во второто коло го осигура Гаел Монфилс, кој беше подобар од Дастин Браун (-4, 7-5, 6-0).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
