Хрватскиот тенисер Марин Чилиќ продолжува со ловот на својот втор Грандслем турнир во кариерата.
Чилиќ е првиот финалист на Вимблдон откако во феноменална полуфинална пресметка во четири сета славеше против Американецот Сем Квери.
Хрватот му дозволи на Квери да го добие првиот сет со 6-7 (6-8), а потоа презеде се во свои раце добивајќи ги трите сета со 6-4,7-6 и 7-5. Во четвртиот сет Квери имаше и брејк предност, за 2-4, но Чилиќ успеа да направи пресврт и во тој сет добивајќи го на крајот со 7-5.
За Чилиќ ова е животна шанса да дојде до трофејот на Вимблдон во своето прво финале во Англија. Тоа би бил втор Грандслем трофеј за него, по освојувањето на УС Опен во 2014 година.
Во второто полуфинале кое стартува наскоро ќе се сретнат Роџер Федерер и Томаш Бердих.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
