Македонскиот фудбалски интернационалец Марио Младеновски е еден од петте кандидати за престижното признание „Најдобар фудбалер во хрватското првенство за месец март“, во изборот на ХНЛ.
Младеновски минатото лето потпиша за Вараждин, но првиот настап за овој клуб го имаше дури во 23. рунда од шампионатот. Тој ги одигра сите 270 минути на трите средби на Вараждин воминатиот месец, дуели на кои беше најзабележителен во одбраната на овој клуб.
„Вараждин не прими гол на две од тие три средби, а Марио имаше голем број на освоени дуели и исчистени и пресечени топки. Младеновски доби шанса од тренерот Шафариќ и веднаш ја искористи на најдобар можен начин“, пишуваат хрватските медиуми за Македонецот.
Негови ривали во трката за престижното признание се Тони Фрук од Ријека, Ален Гргиќ од Славен Белупо, Лука Стојковиќ од Динамо Загреб и Кевин Теофил-Катерин, ито така од Динамо Загреб.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
