Реал Мадрид и Нејмар, тоа не е само приказна, туку голема желба на бразилскиот интернационалец. Шпанскиот весник „Марка“, кој важи за одлично информиран околу случувањата во „кралскиот клуб“ на својата насловна страница открива дека Нејмар има желба да игра во тандем со Кристијано Роналдо и најавува спектакуларен трансфер кој би можел да се случи ова лето.
Нејмар минатиот летен преоден рок за сума од 222 милиони евра од Барселона се пресели во Пари Сен Жермен, но очигледно дека брзо се засити на „Паркот на принцовите“ и сака да се врати во Шпанија, и тоа во најголемиот ривал на каталонскиот клуб. Неговиот татко, кој му е агент, и Флорентино Перез, претседателот на Реал Мадрид, веќе имале средба, а се работи за неверојатно компликувана трансфер – операција вредна повеќе од 300 милиони евра. Останува да се види дали Нејмар повторно ќе постави нови височини меѓу трансферите во историјата на светскиот фудбал…
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
