Нова сензационална „бомба“ одекна од Мадрид, откако најчитаниот шпански весник обелодени дека актуелниот шампион на Шпанија и Европа е сериозно заинтересиран за босанскиот напаѓач Един Џеко.
Одличниот голгетер практично беше отпишан по само една сезона во Интер, бидејќи тој клуб целосно го реконструира нападот по неуспешната одбрана на титулата во Италија. Доаѓаат Лукаку и Дибала, а си заминуваат Џеко и Алексис Санчез, но и покрај статусот во актуелниот клуб и тоа што има 36 години, славниот напаѓач е желба на најголемиот клуб.
Ова се двете причини поради која „Марка“ пишува дека Џеко има добро завршена сезона во Интер, постигна 17 голови и намести десет. Како второ, Реал нема достојна замена за Карим Бензема. Џеко во Интер дојде од Рома за која играше шест години, период во кој запиша 118 голови и 55 асистенции.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
