По вчерашната победа во спринт трката, еден од најдобрите мотоциклисти на сите времиња, Шпанецот, Марк Маркез славеше и на главната трка за Големата награда на Тајланд која се возеше во Буринам на стартот на новата сезона во Мото ГП шампионатот.
За разлика од вчера кога возачот на Дукати доминантно стигна до победата, денеска доби вистински предизвик од неговиот брат Алекс Маркез на Грисини, кој водеше во поголемиот дел од трката, но сепак на крајот попушти под притисокот на далеку попознатиот Шпанец.
Третото место му припадна на вториот возач на фабрички Дукати, Италијанецот, Франческо Бањаја. Во топ 10 се најдоа уште и: Морбидели, Огура, Безеки, Зарко, Биндер, Бастианини и Ди Џанантонио.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
