Маркус Ајзенбихлер ја освои титулата во скијачки скокови на Светското нордиско првенство што се одржува во австрискиот Зефелд. Тој имаше скокови од 131,5 метар во првата и од 135,5 метри во втората серија, вкупно собра 279,4 бода и беше уверлив во триумфот пред сонародникот Карл Гајгер кој со должините од 131 и од 131,5 метри го освои среброто.
Изненадување на денот на скокалницата во Инсбрук беше Швајцарецот Килиан Паер кој водеше по првата серија , а на крајот заврши со бронзениот медал.
Главните фаворити, лидерот во Светскиот куп и победник на турнејата „Четири скокалници“, Рјоју Кобајаши како и Камил Штох и Штефан Краф останаа без медали. Јапонецот беше на несреќното четврто место, Штох петти, а Крафт шестопласиран.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
