Некогашниот европски и француски првак, Олимпик Марсеј, планира да направи сериозни промени, особено кога во клубот дојдоа богати сопственици.
Целта е да се направи тим кој ќе биде конкурентен на ПСЖ и на Монако, а челниците на клубот се во акција да го вратат фудбалерот на Вест Хем и поранешен член на Марсеј, Димитри Паје.
Тој ја напушти Франција во јуни, 2015 година, кога се пресели во Вест Хем за сума од 11 милиони фунти и се афирмираше како еден од најдобрите играчи во Европа. Сега, тимот од Марсеј е подготвен да го врати Паје во своите редови, за сума од 45 милиони евра.
Задачата не е нималку лесна ако се знае дека за истиот фудбалер се интересираат и Арсенал и Манчестер јунајтед, но и францускиот првак ПСЖ. Сепак, челниците на Олимпик Марсеј сепак се оптимисти дека извонредниот играч за врска би можел на крајот од оваа сезона да се врати на „Велодром“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
