Реал Мадрид го загуби бразилскиот интернационалец Марсело до крајот на сезоната. Денешните тестови покажаа дека левиот бек има сериозно истегнување на бутниот мускул на левата нога и поради тоа ќе го пропушти финишот од Ла Лига.
Вообичаениот период за опоравување од ваков вид повреда е околу три седмици, а Ла Лига завршува за десет дена. Ова секако се дополнителни проблеми за тренерот Зинедин Зидан во ионака тенката одбрана на „кралевите“.
Битката на Марсело сега е да се обиде да се опорави за реваншот против Манчестер Сити во осминафиналето на Лигата на шампионите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
