Италијанката Марта Басино стигна до златниот медал на супервелеслаломската трка на Светското првенство во алпско скијање кое се одржува во францускиот ски-центар Куршевел.
Италијанската скијачка до победата стигна со време од 1:28.06 минута што беше за само единаесет стоти делови од секундата подобро од второпласираната и лидерка во генералниот пласман во Светскиот куп, Американката Микаела Шифрин.
Бронзениот медал го поделија Норвежанката Кајса Викоф Ли и Австријката Корнелија Хутер кои задоцнија 33 стотинки зад победничкото време.
Утре на програмата на Светското првенство во алпско скијање е машката супервелеслаломска трка.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
