ЕКИПА во Хернинг,
Стеван Цаневски
Не е никаква тајна, играта на Португалија речиси целосно зависи од браќата Мартим и Кико Кошта, двајца ракометни генијалци кои оставаат се подлабока трага на големите натпреварувања, како на репрезентативен, така и на клупски план.
Цел на нашата одбрана сигурно ќе биде да ги неутрализираме најдобро што можеме овие двајца ракометни генијалци, а Мартим Кошта со респект гледа на македонската репрезентација.
„Македонија има добар тим и играат добар ракомет. Го гледав натпреварот со Данска, одиграа добро прво полувреме и добро парираа на Данците. Ќе мораме да бидеме многу добри ако сакаме победа над нив. Секако, ние сме фаворити на тој натпревар и имаме доволно квалитет за да победиме, но ќе мораме да бидеме многу сериозни затоа што Македонија е навистина добра репрезентација. Очекувам тежок натпревар, потежок отколку дуелот со Романија. Македонија има повеќе добри играчи и играат поразновидно“, вели Мартим Кошта.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
