Поранешниот возач во Формула 1, Фелипе Маса, направи интересна споредба на двајцата, според него најголеми возачи во Ф1 – Михаел Шумахер и Фернандо Алонсо. Бразилецот истакна дека Алонсо е на „исто ниво“ како Шумахер, но има помали успеси поради незгодниот карактер.
Во својата Ф1 кариера, Маса во ферари беше клупски колега и со двајцата светски шампиони. Кога дојде во Ферари во 2006 година, тој возеше заедно со Шумахер, а во последните сезони во „скудеријата“ беа заедно со Алонсо.
„Во однос на чистиот талент, би ги ставил Михаел и Фернандо на исто ниво. Алонсо има дарба и талент лесно да влезе во трката и да биде неверојатно брз. Тој е многу интелигентен возач со исклучителни способности. Јас истото би го кажал и за Шумахер“ – вели Фелипе Маса.
Бразилецот сепак, открива дека многу потешко му било кога возел во тандем со Алонсо отколку со седумкратниот светски шампион.
„Мора да признаам дека не е никако лесно да бидеш со него. Со Михаел бевме блиски пријатели. Бев млад и желен да впивам знаење и искуство од седумкратниот светски шампион, а Шумахер се однесуваше многу добро со мене. Со Фернандо, пак, требаше да се борам на различен начин. Надвор од болидот немв никакви проблеми со Алонсо, тој се се однесуваше многу професионално и колегијално. Но, тоа е само едната страна. Кога ќе ја стави кацигата, станувадруг човек. Тој може да го подели тимот. Тоа сме го виделе во многу тимови за кои што настапувал. Според мене, тоа е неговиот проблем. Може да постигне многу повеќе да не беше таков“ – истакнува Фелипе Маса.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
