Аргентинскиот интернационалец Хавиер Маскерано на крајот од сезоната ќе го напушти „Камп Ноу“. Тој за Барселона одигра 202 натпревари, освои четири титули во Ла Лига и во Купот на Шпанија, три Суперкупа на Шпанија, два трофеи од УЕФА Суперкуп, и два пехари од Светското клупско првенство, па вели дека е време за да исполни и едно свое ветување. Тој вети дека ќе се врати во Ривер Плата, клубот за кој настапуваше од 2003 до 2005 година.
„Мојата иднина во фудбалот веќе нема врска со парите и понудите. Порано сам ги носев одлуките, но сега истите ги носи моето семејство. Не можам да не размислувам што е најдоброто за моите деца. А покрај тоа и морам да исполнам едно свое ветување, дека пред крајот на кариерата ќе се вратам во Ривер Плата. Не сакам да испаднам лажго“, изјави Маскерано.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
