Селекторот Никола Матијашевиќ го одреди списокот на одбојкари кои ќе настапат за македонската репрезентација на почетокот од квалификацикиот турнир за пласман на ЕП 2021. Главен проблем за „црвено-жолтите“ е неиграњето на средниот блокер Филип Маџунков, кој не успеа да ја добие трката со времето по повредата на коленото што го мачи веќе ивзвесно време.
Техничарот Ефтим Ричлиев и коректорот Стефан Алексов, исто така, го минаа целиот подготвителен период и влегоа во потесниот избор на Матијашевиќ, но за деби во сениорскиот дрес ќе чекаат некоја друга можност. На конечниот список на селекторот за утрешниот натпревар со Босна и Хрцеговина и за пресметката со Турција в среда, пријавени се 14-мина одбојкари. Единствената дилема е дали Дарко Ангеловски ќе биде примач, какошто играше на четирите контроли со Бугарија, или, пак, ќе настапи како либеро што е негова стандардна позиција во долгогодишната репрезентативна кариера.
Иван Андонов, кој може да одигра повеќе улоги во тимот, ќе го покрива отсуството на Маџунков на центар, а сите други линии се стандардни. Во споредба со Европското првенство во Словенија во 2019-та, дебитантско за нас, во репрезентацијата е Лука Костиќ на местото на Александар Милков, какои 18-годишниот Филип Савовски кој треба да биде иднина на црвено-жолтиот состав на позиција среден блокер.
Коректори: 4.Никола Ѓорѓиев
Техничари: 2.Ѓорѓи Ѓорѓиев, 11.Филип Деспотовски
Примачи: 1.Дарко Ангеловски, 5.Владо Милев, 8.Александар Љафтов,16.Стојан Николов, 17.Лука Костиќ.
Средни блокери: 7.Славе Наков, 14.Иван Илиев, 19.Ристо Николов, 20.Филип Савовски
Либера: 12.Филип Николовски, 18.Васе Михаилов
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
