Искусниот српски фудбалер Немања Матиќ ја помина последната сезона во Лион, но по истекот на договорот нема да има продолжување на соработката.
Матиќ го мина летниот одмор во Србија каде што тренираше индивидуално и чекаше вистинска понуда бидејќи е решен дека сè уште не е време за пензионирање иако веќе има 37 години.
Па, Фабрицио Романо утрово се огласи на социјалните мрежи и откри дека Матиќ се враќа на Апенините по две години и дека приказната е завршена. 37-годишникот ќе ја продолжи кариерата во дресот на Сасуоло, со кој клуб се договорени сите детали, и се очекува наскоро да пристигне на лекарски прегледи и потпишување на договор.
🚨⚫️🟢 Nemanja Matić has agreed to join Serie A side Sassuolo on one year deal.
After leaving OL, Matić said yes to Sassuolo proposal as Serie A has always been a concrete idea in his mind.
Deal also includes an option for further season. Here we go 🇷🇸 pic.twitter.com/tVrLeE04Q9
— Fabrizio Romano (@FabrizioRomano) August 22, 2025
Матиќ ќе потпише едногодишен договор со Сасуоло со можност за продолжување на соработката за уште една сезона доколку двете страни бидат задоволни следното лето.
Искусниот играч од средниот ред се враќа на Апенините по две сезони минати во Франција, каде што покрај Лион играше и за Рен. Во Италија, претходно играше за Рома, каде што исто така помина само една сезона.
По потпишувањето на договорот, Матиќ веднаш ќе се приклучи на Сасуоло, кој во првото коло, веќе утре игра дома против актуелниот шампион Наполи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
