Капитенот на Франција, Килијан Мбапе, го напушти кампот на Франција. Тој ќе го пропушти последниот квалификациски натпревар на тимот за Светското првенство против Азербејџан во недела. Француската фудбалска федерација објави дека напаѓачот има воспаление на десниот зглоб.
Мбапе се враќа во Мадрид, каде што ќе биде подложен на дополнителни тестови. Играчот го пропушти вториот натпревар на Франција од октомвриските квалификации. Вчера, тимот на Дидие Дешамп ја победи Украина со 4-0 и обезбеди пласман на Светското првенство во 2026 година. Килијан постигна два гола и имаше една асистенција.
Едуардо Камавинга и Ману Коне исто така го напуштија кампот на Франција . Играчот од средниот ред на Реал Мадрид е повреден, а неговиот соиграч од репрезентацијата е суспендиран.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
