Реал Мадрид го совлада Алавес со „тесни“ 1:0 во 31. коло од шпанската Ла Лига. Стрелец на победничкиот гол беше Едуардо Камавинга во 34. минута, на асистенција на Федерико Валверде . Мечот неколку минути подоцна го одбележа директниот црвен картон за Килијан Мбапе.
Французинот брутално го удри по ногата на Антонио Бланко Судијата најпрвин му покажа жолт картон на напаѓачот на Реал Мадрид, но повика ВАР да ја погледне ситуацијата на мониторот и ја смени одлуката.
Бланко, кој лесно можеше да заработи посериозна повреда, по натпреварот изјави дека Мбапе дошол да се извини.
„Тоа беше солиден почеток кој можеше да заврши ужасно. По натпреварот дојде кај мене и ми се извини, тоа е најважно“, изјави Бланко.
Во одбрана на својот играч застана и тренерот Карло Анчелоти.
„Мбапе не е насилен. Тој се извини и побара прошка. Заслужено доби црвен картон и ќе ја одлежи суспензијата, и приказната завршува тука“, рече Анчелоти.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
