ПСЖ ја заокружи успешната сезона во францускиот фудбал откако „светците“ вечерва славеа во финалето од националниот куп над Лион со 2-1, стигнувајќи до двојна круна на домашната сцена.
Овој меч ќе остане запаметен како „последниот танц“ на Килијан Мбапе, голгетерот за последен пат го носеше дресот на ПСЖ, беше стартер и ги одигра сите 90 минути, но не успеа со гол да се збогува од овој клуб. За негова среќа, расположени беа Дембеле и Фабијан Руиз, кои со прецизни удари донесоа водство од 2-0 уште по првото полувреме.
Лион во вториот дел намали на 2-1 преку О’Брајен, потоа имаше уште неколку шанси за израмнување, но „светците“ успеаја да одолеат и да стигнат до двојна круна, прва по пауза од четири години за гигантот од Париз.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
