Килијан Мбапе разочаран ја напушти „Алијанц Арена“ откако неговиот ПСЖ повторно беше елиминиран на првата пречка во нокаут фазата од Лигата на Шампионите.
Тој го призна поразот, откако Баерн и на вториот натпревар беше подобар противник и заслужено се пласираше во четвртфиналето.
„Баерн беше подобар, тие имаат тим за да ја освојат Лигата на Шампионите. На почетокот на сезонава, на првата прес-конференција од ЛШ реков дека ќе го даадеме максимумот. Ова е нашиот максимум“, изјави Мбапе.
Останува да се види дали ова разочарување ќе придонесе францускиот голгетер да си замине од клубот на крајот од сезонава. Тој има договор до јуни 2024 година, па доколку реши да си замине ПСЖ би можел да заработи околу 200 милиони евра од негов трансфер, или ќе се влезе во нова сага во која тој наредното лето би можел да го напушти клубот како слободен играч.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
