Килијан Мбапе имаше бавен старт, но Французинот во последните месеци покажува дека е нов лидер на нападот на Реал Мадрид. Тој блесна и на синоќешниот дуел со Леганес што „кралевите“ со многу мака го добија со 3-2 токму благодарение на Мбапе, кој од слободен удар го постигна победничкиот погодок.
Со тоа, Килијан стигна до бројката од 33 гола во својата дебитантска сезона во дресот на Реал, израмнувајќи го достигнувањето на Кристијано Роналдо во неговата прва сезона по преселбата од Манчестер Јунајтед во Мадрид.
Кристијано не е рекордер во оваа категорија, па Мбапе сега ќе го нападне рекордот што му припаѓа на Иван Заморано. Легендарниот Чилеанец пристигна од Севилја во 1992 година и во првата сезона во дресот на Реал постигна дури 37 погодоци на 45 натпревари, ист број на средби колку што Мбапе има одиграно до моментов во сите натпреварувања сезонава..
Само за споредба, Бразилецот Роналдо во својата прва сезона во дресот на Реал Мадрид (2002/03) постигна 29 гола на 43 натпревари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
