Трансферот на Килијан Мбапе во Реал Мадрид е речиси готова работа. Останува само официјализација на еден од најголемите трансфери во фудбалот. Мбапе се очекува да заработува повеќе од 15 милиони евра во таборот на „кралевите“, а со бонуси сумата ќе биде далеку поголема.
И додека се изнесуваат детали околу трансферот, кој Реал Мадрид ќе го чини „нула“ евра обесштетуање, се шпекулира и за бројот кој Мбапе ќе го добие во Мадрид. Најблиску е да биде со бројот 10 кој во моментов го носи Лука Модриќ.
Хрватот е пред напуштање на кралскиот клуб на крајот на сезонта, па веројатно дека Французинот ќе ја има десетката на грбот. Деветката е веќе резервирана за новото засилување Ендрик, а седмицата ќе биде на грбот на Винициус.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
