Суперинтересен натпревар играат Србија и Швајцарија, откако на одмор се замина со резултат 2-2. Србите направија пресврт и поведоа со 1-2, резултат што ги носеше во осминафинале, но Швајцарците израмнија и преку Емболо дојдоа до 2-2 на овој одличен меч.
Митровиќ го постигна голот за израмнување, а улогата на херој кога станува збор за вториот погодок за Србија на овој меч му припадна на Душан Влаховиќ, кој одлично се снајде по додавањето на Тадиќ и со не толку силен, колку прецизен удар го матираше Кобел.
Веднаш по голот Влаховиќ ги поздрави „хејтерите“, кои измислуваа невистини за него во последните два дена, а асот на Јувентус одговори на најдобар можен начин – со гол во вистински момент за Србија.
Избраниците на Пикси сепак не заминаа со предност на одмор, откако српската одбрана за момент заспа, а Емболо го искористи тоа израмнувајќи на 2-2.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
