Бомбастичната најава дека Каваи Ленард во Пакет со Кајри Ирвинг се договорил за трнасфер во Бруклин и дека за тоа ќе добие 164 милиони долари и натаму нема потврда. Затоа шпекулациите околу иднината на најкорисниот играч на финалната серија и натаму се во фокусот иако неговиот табор прави буквално се информации да не протекуваат.
Во тоа помагаат и двата клуба од Лос Анџелес, „клиперс“ и „лејкерс“ кои го заштитуваат Ленард, а прават се да го доведат во своите редови.
Во името на „лејкерс“, агитираат Меџик Џонсон и Леброн Џемс. Каваи уште минатото лето најави дека сака да се врати во родната Калифорнија. Затоа клубовите од Лос Анџелес сметаат дека имат адут. „Лејкерс“ нудат супер тим со Џејмс и со Ентони Дејвис. „Клиперс“ пак му ја нудат позицијата на главен играч во тимот која веројатно не би ја имал кај градскиот ривал.
Торонто пак и натаму се надева дека Ленард ќе остане во Канада. Актуелниот шампион понуди се што можеше и имаше за да го задржи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
