Рускиот тенисер Данил Медведев е првиот финалист на АТП турнирот во Пекинг, откако во првата полуфинална пресметка славеше во два сета, со 6-3 и 6-4, против Александар Зверев.
Третиот носител на турнирот, иако во два сета, сепак се мачеше во тврд и неизвесен меч против Зверев во кој одлучуваа нијанси.
Зверев имаше дури четири брејк можности и не искористи ниту една, додека Русинот двапати освои сервис на ривалот и со тоа ја направи разликата.
Во финалето Медведев ќе се соочи со подобриот од втората полуфинална пресметка меѓу Алкараз и Синер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
