Данил Медведев се пласираше во полуфиналето на Вимблдон откако по голема битка успеа да го совлада најпријатното изнендување на досегашниот дел од турнирот, Американецот Крис Јубенкс со 3-2 во сетови.
Јубенкс беше многу блиску до нова сензација откако во минатата рунда го елиминираше Циципас, откако американскиот тенисер поведе со 1-2 во сетови и беше на прагот да испише историја и да стане само трет во историјата на Вимблдон кој на дебито на овој турнир успеал да стигне до полуфиналето (по Џон Мекинро и Давид Налбандијан).
Сепак, Медведев покажа карактер и квалитет, во четвртиот сет славеше во тајбрејк со 7-4, а потоа во решавачкиот сет експресно успеа резултатски да се одлепи и да триумфира со конечни 6-1.
Ривал на рускиот тенисер во полуфиналето ќе му биде победникот од мечот Алкраз – Руне.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
