Слабата форма на Данил Медведев на земјена подлога беше потврдена и на самиот почеток на Ролан Гарос, каде рускиот тенисер беше елиминиран уште во првото коло од Камерон Нори, во епска битка што траеше пет сета.
Нори почна одлично и поведе со 2-0 во сетови, но Русинот покажа карактер, не се предаде и стигна до израмнување на 2-2. Медведев потоа беше подобар ривал и во решавачкиот сет, имаше сервис при водство од 5-4, но потоа следеше целосен колапс, Нори освои три гејма во серија и се пласираше во следната рунда.
Александар Зверев рутински ја заврши својата работа на стартот, славејќи над американскиот тенисер Тиен со 3-0 во сетови.
Григор Димитров се соочи со огромен малер, откако бугарскиот тенисер заработи повреда, па беше принуден да го предаде мечот со Американецот Квин иако во тие моменти имаше предност од 2-1 во сетови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
