Рускиот тенисер Даниил Медведев е елиминиран во четвртфиналето на АТП турнирот во Дубаи. Првиот носител на турнирот загуби од Талон Грикспор во три сета, по два часа и 40 минути игра.
Холанѓанецот славеше по сетови со 2-6, 7-6 (7), 7-5.
Медведев во вториот сет, кој требаше да биде одлучувачки, имаше брејк предност, четири меч топки и на крајот големи 4-1 во тај-брејкот, но успеа да го загуби на крај сето тоа.
Грикспор знаеше како да го казни. Прво го доби вториот сет, а потоа ја чекаше својата шанса во 12. гем од третиот сет кога го направи единствениот брејк вреден победа.
Во следното коло ќе се соочи со подобриот од дуелот меѓу Стефанос Циципас, единствениот преостанат носител (број четири), и Матео Беретини.
Турнирот во Дубаи се игра за награден фонд од 3.237.670 долари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
