Данил Медведев е уште еден во низата фаворити кои прерано го завршија настапот на Мастерс-турнирот во Париз откако рускиот тенисер беше поразен на денешниот дуел со Попирин.
Мечот траеше два часа и 31 минута и на крајот заврши со триумф од 2-1 на Австралиецот Попирин, кој во решавачкиот сет во тајбрејк триумфираше со 7-4, продолжувајќи ги настапите на овој турнир. Медведев повторно одигра под своите можности, а по една од неколкуте големи грешки Русинот ги загуби нервите, па реши да го фрли рекетот.
Само што не го удри од земја, туку во височина… рекетот на изненадување на фановите леташе десетина метри, за на крајот низ рацете на Медведев да падне на земја.
Medvedev qui se fait bully par dark Daniil 🤣
Le prochain lancé de raquette doit toucher le toit de Bercy ! 🤣
pic.twitter.com/dpf7Qwt0fW— TennisTemple (@tennistemple) October 30, 2024
На останатите мечеви oд почетокот на денешната програма Григор Димитров славеше со 2-1 над Ечевери, додека домашниот тенисер Риндеркнеш беше подобар од Микелсен со 7-6, 7-6.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
