Медведев со пресврт до 1/4 финале во Мадрид

  • Екипа
  • 29.04.2025 / 23:04
  • СПОДЕЛИ:

Данил Медведев, десеттиот рангиран тенисер во светот, се квалификуваше за четвртфиналето на Мастерсот во Мадрид по изненадувањето против Американецот Брендон Накашима – 3:6, 6:1, 6:4.

По бавниот почеток, Русинот го пронајде својот ритам, доминираше во вториот сет, ја покажа својата класа во одлучувачкиот сет и освои место меѓу осумте најдобри.

Започна многу интересно – Медведев прв стигна до брејк и поведе со 3:2, но следеше студен туш: Накашима израмнува четири гема по ред и го добива првиот сет.

Сепак, тоа само го разбуди десеттиот тенисер во светот. Во вториот сет, Медведев влегува во полн ек, му го одзема сервисот на противникот во четвртиот и шестиот гем и брзо израмнува.

Третиот сет носи вистинска драма, тој прави клучен брејк во третиот гем, а потоа во десетиот, на свој сервис, ја користи петтата меч-топка и си го „резервира“ билетот за четвртфиналето.

Таму го чека нов предизвик – дуел со подобриот од Тејлор Фриц – Каспер Руд.

Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

  • СПОДЕЛИ:


    Се вчитува...