Менаџерот на Кристал Палас, Оливер Гласнер е најсериозен кандидат за да ја преземе клупата на Лајпциг идната сезона, јавуваат германските медиуми. Гласнер има искуство со работа во Бундеслигата, откако беше тренер на Ајнтрахт Франкфурт, кога овој тим го оствари најголемиот меѓународен успех – освојувајќи ја Лигата на Европа.
Гласнер е менаџер на Кристал Палас од минатата година, а во Бундеслигата беше тренер и на Волфсбург.
Лајпциг се раздели со тренерот Марко Розе поради очајните резултати. Тимот испадна од Лигата на шампионите уште во групната фаза, а во Бундеслигата му пресуди последниот пораз од Борусија Менхенгладбах.
Од идниот тренер на Лајпциг ќе зависи и идината на македонскиот репрезентативец Елиф Елмас, кој е на позајмица во Торино од германскиот клуб, и на крајот на сезоната може да се случи да се врати во Германија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
