Хрватскиот интернационалец Лука Модриќ, на крајот на сезоната би можел да се пресели во Интер Мајами, откако играчот на Реал Мадрид е голема желба на капитенот на овој тим, Лионел Меси.
Клубот, чиј косопственик е Дејвид Бекам, во последните неколку години е заинтересиран за Модриќ, а сега во целата приказна се приклучува и Меси, кој ќе го убедува Хрватот да се приклучи на тимот.
Најверојатно Модриќ идната сезона нема да биде дел од Реал Мадрид, а Хрватот сака да има клуб во кој ќе игра, и добро да се подготви за идниот Мундијал, што ќе биде последен за него во кариерата, со оглед дека идната година ќе има веќе 40 години. И покрај тоа што е вистинска легенда на клубот, со најголем број освоени трофеи, меѓутоа Реал Мадрид по елиминацијата од Арсенал во ЛШ, тргнува во летен ремонт, во кој ќе биде опфатен и Модриќ.
Интер Мајами сака да го има Хрватот пред настапите на Светското клупско првенство. Тој би им се приклучил на неколку поранешни ѕвезди на Барселона, меѓу кои и Луис Суарез, Серхио Бускетс и Жорди Алба.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
