Откако Аргентина се пласираше во четвртфиналето на Светското првенство, Лионел Меси отворено проговори за своите фаворити на Светското првенство во Катар…
За потсетување, Аргентина во осминафиналето ја совлада Австралија со 2-1 и во четвртфиналето ќе игра против Холандија. Говорејќи по пласманот во следната фаза, најдобриот аргентински играч и капитен Лионел Меси одговори на прашањето кои според него се фаворити за титулата светски шампион.
„Аргентина е еден од кандидатите. Ние сме велесила и секогаш сме меѓу најдобрите. Тоа го потврдивме против Австралија. На Бразил му оди многу добро и покрај поразот од Камерун. Тие се уште се меѓу главните фаворити. Франција е исто така добра, како и Шпанија иако загубија од Јапонија. Играат многу добро, имаат јасен план и тешко е да им се одземе топката бидејќи го контролираат поседот. Ќе биде тешко да ги победиме“, изјави Меси.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
