Лионел Меси се врати на тренинзите на ПСЖ по недозволеното негово заминување во Саудиска Арабија. Аргентинецот, како што тврдеше по враќањето од Саудиска Арабија, поради недоразбирање заминал на Блискиот Исток и лоша комуникација.
Сега, клубот го казни со кратање на половина плата за минатиот месец, а Меси јавно се извини истакнувајќи дека мислел дека има слободен ден.
Сепак, ПСЖ, и покрај првичната суспензија, сега му дозволи да се врати на тренинзите на првиот тим. Договорот на Меси со францускиот тим истекува ова лето, и сосема е извесно дека Аргентинецот ќе го напушти ПСЖ. Се поголем број медиуми објавуваат дека ќе се врати во Барселона, од каде мораше да замине поради клупските финансиски проблеми.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
