Лионел Меси продолжува да блеска во дресот на Интер Мајами. Аргентинецот синоќа го носеше својот тим до победа во дербито на Флорида над Орландо со 3-1.
Меси постигна два гола, и двата со убави волеј-удари што го донесе и до насловните страници на американските медиуми каде фудбалот обично е во втор план.
Необично, но Меси не го изведе пеналот на својот тим во 51. минута туку топката ја даде на Џозеф Мартинес. Во спротивно ќе запишеше најверојатно и хет-трик на мечот.
Меси на три натпревари за Интер веќе има пет гола и една асистенција. Интер се пласираше и во осминафиналето на КОНКАКАФ Купот каде ќе игра со уште еден ривал од МЛС лигата – екипата на Далас.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
