Олимпија Милано е најголемото разочарување во Евролигата оваа сезона. На италијанскиот тим предводен од легендарниот Еторе Месина му се предвидуваше настап во плејофот и битка за титула во најелитното европско кошаркарско натпреварување, но наместо тоа „манекените“ се на дното на табелата со скор од 6 победи и 14 порази.
По новото разочарување и поразот од АСВЕЛ, италијанскиот стратег изјави дека тоа и дефинитивно е крај на евролигашката сезона.
„Ова е крај за нас. Завршивме. Невозможно е да се вратиме на добар пат, мораме да бидеме искрени и да го признаеме тоа. Нема ни простор за нови засилувања, тоа прашање е завршено“, вели Месина.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
