Ракометарите на Бутел стигнаа до нова победа во домашниот шампионат, откако ја оправдаа фаворитската улога на гостувањето кај Металург 2, совладувајќи го тимот од Автокоманда со 17-28.
Домашните ракометари беа достоен противник во првото полувреме. Во ниту еден момент не му дозволија на фаворитот да се одлепи, а на полувреме бутелчани заминаа со предност од само два гола разлика 12-14. Во вториот дел младите металурзи паднаа, а тоа го искористија гостите кои со одлична игра успеаја да се одвојат и на крајот да стигнат до убедлив триумф од 17-28.
Димитар Ѓеоргиевски и Мартин Димов со по 7 гола беа најдобри поединци во победничкиот табор, додека Марко Божиновски заврши со 4. Кај Металург Јуниор 5 гола постигна Лука Стојановиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
