Михајло Михајловски се повлече од функцијата претседател на меѓународната СЕХА лига. Михајловски беше на оваа функција безмалку 10 години, а неговото место ќе му припадне на Божидар Ѓурковиќ од Србија.
Двете главни оперативни места остануваат непроменети. Синиша Остојиќ од Хрватска останува директор и во следниот мандат, а Марјан Начевски комесар на лигата во следниот четиригодишен период. Зоран Стерјев, претседателот на Е. Пелистер доби место во Управниот одбор на лигата.
Михајловски ќе ја добие титулата – почесен претседател.
Руските и белоруските клубови веќе формираа натпреварување Дивизија Исток во кое ќе се натпреваруваат осум екипи од двете земји. Истото ќе биде и на Запад каде што ќе треба да продолжат ППД Загреб, Нексе, Вардар, Еурофарм Пелистер, Татран Прешов, Веспрем, Војводина и Партизан. Двата шампионати ќе завршат со Ф4.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
