Милан е подготвен да го ангажира Кајл Вокер, кој беше позајмен од Манчестер Сити, на постојан договор во текот на летото, објави „Газета“. Англискиот бек се приклучи на италијанскиот гигант на позајмица, а Милан има право на откуп за 5 милиони евра, и наводно веќе донеле одлука да ја активираат.
Искусниот играч во моментов е надвор од теренот поради скршеница на десниот лакт, а досега одигра 12 натпревари за миланскиот гигант на сите турнири.
Од друга страна, Милан ќе ги слуша понудите за Тео Хернандез , бидејќи левиот бек најверојатно нема да го продолжи договорот, кој истекува на крајот од сезоната 2025/26. Хернандез оваа сезона е далеку од посакуваната форма.
Тимот исто така треба да добие и нов тренер, со оглед дека се погласни се шпекулациите за заминување на Серхио Консеисао по крајот на сезоната.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
