Милан потешко од очекувањата ги освои трите бода во дуелот со Калјари на гостински терен. Иако имаше повеќе удари кон противничкиот гол, и повеќе шанси, сепак, „росонерите“ на крајот можеа да останат и без бодовите откако домашните ја погодија пречката.
Победата ја донесе Бенасер кој постигна прекрасен гол во 59. минута од средбата. Жиру му асистираше, а играчот од средниот ред прекрасно со волеј го најде патот до голот.
Милан максимално го искористи „киксот“ на градскиот ривал Интер кој одигра 1-1 против Удинезе на свој терен, за да му избега шест бода на табелата, иако Интер има и натпревар помалку.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
