Македонскиот интернационалец Милан Илоски стана, само 20-ти фудбалер во историјата на МЛС лигата во САД, кој успеал да постигне четири гола на еден натпревар.
Македонецот, кој во моментов игра како позајмен фудбалер од дански Нордсјиланд во Сан Диего, постигна четири гола во гостинската победа на својот клуб против Ванкувер од 3-5.
Интересно, три гола постигна во период од само девет минути од 35. до 44. минута во првото полувреме, а четвртиот гол го постигна во 47. минута на стартот од вториот дел.
🇺🇸 Milan Iloski scored FOUR goals last night vs. Vancouver!
All four goals clinically finished.
Iloski in the best form of his career. 9 goals so far this season, a goal every 33 minutes.
100% a place in the 🇲🇰 NT for a versatile forward like Iloski.pic.twitter.com/RlRRBlJ5zI
— Football Macedonia (@MacedonianFoot_) June 26, 2025
Покрај тоа што се запиша во историјата на МЛС како 20-ти фудбалер кој постигнал четири гола, стана и прв фудбалер во историјата на Сан Диего кој постигнал хет-трик. Откако пристигна во клубот, во април оваа година, веќе има постигнато девет гола во МЛС лигата.
25-годишниот Илоски од 2023 година е член на дански Нордсјиланд, а сега игра на позајмица во Сан Диего. Неодамна и македонскиот селектор Благоја Милевски, во подкастот „Пресинг“ на ЕКИПА.МК, истакна дека веќе подолг период се следат настапите на Милан Илоски, и секако се наоѓа на поширокиот репрезентативен список со можност и за настап во националниот дрес во иднина.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
